Zajcy Bob (vialiki) i Bobek (maleńki) — talismany sioletniaha pieršynstva.
Hod nazad u Minsku biełarusy pakazali vielmi prystojny vynik, trapiŭšy ŭ čverćfinał. Mahli prajści i dalej, ale šviedy akazalisia bolš spraktykavanymi. Hałoŭnaj pryčynaj takoha pośpiechu biełarusaŭ nazyvajecca natchnieńnie ad hulni pry rodnych trybunach, a taksama słabyja składy kamand supiernic, jakija ŭ hod Alimpijady dasłali nie samych mocnych hulcoŭ.
Sioleta ŭ Čechii budzie ciažej. Tryvohu vyklikajuć navat kantrolnyja hulni, dzie biełarusy ciarpieli adnu parazu za druhoj. A ŭ ahulnym zaliku chakiejnaha «Jeŭravykliku» zaniali apošniaje miesca.
Admovilisia pryjechać u skład zbornaj i mnohija lidary kamandy. Naprykład, naturalizavany kanadziec Džef Płat spasłaŭsia na viasielle. A niadaŭnija finalisty Kubka Haharyna ŭ składzie kazanskaha «Ak Barsa» Kanstancin Kalcoŭ i Uładzimir Dzianisaŭ uvohule nie rastłumačyli svaju adsutnaść. Biez takich pryznanych majstroŭ našym budzie ciažka. Niekatoryja ekśpierty schilajucca da mierkavańnia, što hałoŭnaj zadačaj biełarusaŭ budzie nie vylecieć u nižejšy dyvizijon.
Naša zbornaja budzie hulać u Ostravie, na samym uschodzie Čechii. Sustrečy budzie prymać 10-tysiačnaja «ČEZ-Arena».
Raskład matčaŭ zbornaj Biełarusi:
2 maja: Biełaruś — Słavienija (pačatak u 17:15)
3 maja: Biełaruś — Słavakija (17:15)
5 maja: Danija — Biełaruś (17:15)
7 maja: ZŠA — Biełaruś (17:15)
9 maja: Biełaruś — Rasija (13:15)
11 maja: Finlandyja — Biełaruś (17:15)
12 maja: Narviehija — Biełaruś (13:15)/
