U 2012 hodzie supracoŭnika na adnym z pradpryjemstvaŭ amierykanskaj charčovaj kampanii Bumble Bee Foods zapiakli ŭ duchoŭcy z tuncom. Adnak ŚMI pra hety incydent stała viadoma tolki ciapier, paviedamlaje USA Today.
Zdareńnie adbyłosia, kali adzin z pracaŭnikoŭ vykonvaŭ techabsłuhoŭvańnie piečy, a jaho kaleha, paličyŭšy, što toj prymaje duš u inšym pamiaškańni, zahruziŭ ŭ pieč bolš za 5 ton ryby i ŭklučyŭ jaje.
Jak paviedamlaje vydańnie, prapažu supracoŭnika vyjaviŭ kiraŭnik pradpryjemstva, ale cieła rabotnika ŭdałosia znajści tolki paśla, dvuch hadzin pošukaŭ, kali tempieratura ŭ duchoŭcy dasiahnuła 132 hradusaŭ Celsija.
Akruhovy prakuror Łos-Andželesa pradjaviŭ kampanii abvinavačvańni ŭ parušeńni praviłaŭ biaśpieki. U vypadku, kali vina supracoŭnikaŭ budzie dakazanaja, dyrektaru pa vytvorčaści i byłomu kiraŭniku pa biaśpiecy pahražaje da troch hadoŭ turmy, a taksama štraf u pamiery 250 tysiač dalaraŭ.