Prezidenty Rasii, Ukrainy, Francyi Uładzimir Pucin, Piotr Parašenka i Fransua Aland, a taksama kancler FRH Anhieła Mierkiel pa telefonie abmierkavali situacyju va Ukrainie.
«Bajavyja sutyknieńni pad Maryupalem i danieckim aeraportam pavinny spynicca,
mirnaje ŭrehulavańnie ŭ zonie napružanaści maje absalutny pryjarytet», — abviaściŭ Jelisiejski pałac paśla telefonnych pieramovaŭ 30 krasavika.
Sa svajho boku aficyjny pradstaŭnik uradu FRH Štefen Zajbiert paviedamiŭ, što ŭdzielniki telefonnych pieramoŭ pahadzilisia z «nieabchodnaściu stabilizacyi chistkaha pieramirja na ŭschodzie Ukrainy i praciahu padkantrolnaha advodu ciažkaj techniki».
Praduhledžana taksama demilitaryzacyja Šyrokina, jakoje znachodzicca na linii frontu, i adnaŭleńnie abmienu vajennapałonnymi, pieriedaje Deutsche Welle.
Padčas pieramoŭ lidary čatyroch dziaržaŭ syšlisia ŭ mierkavańni, što asnoŭnaja rola ŭ palapšeńni situacyi i padtrymańni režymu spynieńnia ahniu na ŭschodzie Ukrainy naležyć ABSIE. Na ich dumku, pradstaŭnikam misii nieabchodna pradastavić svabodu dziejańniaŭ, jakaja patrebna dla vykanańnia pastaŭlenych zadač. Taksama jana pavinny mieć mahčymaść stvarać novyja punkty dla nazirańnia.
Paviedamlajecca, što Rasija, Ukraina, Francyja i Hiermanija damoviłasia ab praviadzieńni ŭ bližejšyja dni sustreč čatyroch rabočych hrup pa Ukrainie, što aznamianuje pierachod da palityčnaj stadyi realizacyi minskich pahadnieńniaŭ.
Skład padhrup ŭžo zajaŭleny usimi bakami pieramovaŭ, adnak dakładnaja data nastupnych minskich kansultacyj pakul nie vyznačana.
