Biełaruskija ŭdarnyja viertaloty Mi-24P, fota BiełTA
Pra heta paviedamlajecca ŭ materyjałach Ahulnaha zboru akcyjanieraŭ firmy.
Kampanija paviedamiła, što 2014 hodzie Vajskova-pavietranyja siły i vojski SPA Biełarusi praviali vyprabavańni viertalota Mi-24R z takimi ruchavikami. Mi-24R — viertaloty radyjacyjnaj, chimičnaj i bijałahičnaj raźviedki na bazie savieckaha ŭdarnaha viertalota Mi-24.
Najbolš viadomaja niefarmalnaja mianuška — «Krakadził».
«Takim čynam jašče raz paćviardžajecca praktyka biełaruskaha kiraŭnictva na dyviersifikacyju pastavak uzbrajeńnia i zapasnych kamplektujučych, a taksama aktyŭnaja schilnaść da «impartazamiaščeńnia» i samastojnaha vypusku maksimalna mahčymaha śpiektru vajennaj pradukcyi dla patreb siłavych struktur Biełarusi», — adznačyŭ błoh aŭtarytetnaha rasijskaha Centra analizu stratehij i technałohij (CAST).
Alaksandr Łukašenka sustrakaŭsia z kiraŭnictvam «Motor Sič» ŭ kastryčniku 2014 hoda. Zaraz Motor Sič naležyć Aršanski avijaremontny zavod. Častka analitykaŭ ličyć, što praź Biełaruś ukrainski vytvorca ruchavikoŭ moža pasprabavać abyści sankcyi suprać RF i zachavać svaje suviazi z rasijskimi pakupnikami, u tym liku vajskovymi.
Ź inšaha boku, supracoŭnictva z «Motor Sič» moža stvaryć bolš spryjalnyja ŭmovy dla raspracoŭki biełaruskaj rakietnaj techniki.
