U Minsku 9 maja śviatočny fiejervierk adbudziecca ŭ 22 hadziny. Budzie dadziena 30 artyleryjskich załpaŭ z šaści punktaŭ na terytoryi horada.
Pra heta na pres-kanfierencyi 5 maja ŭ Minsku paviedamiŭ načalnik upraŭleńnia infarmacyi hałoŭnaha ŭpraŭleńnia ideałahičnaj raboty biełaruskaha Ministerstva abarony pałkoŭnik Uładzimir Makaraŭ.
Puskavyja ŭstanoŭki buduć raźmieščanyja ŭ parku imia 50-hodździa Pieramohi, na pustcy za 600 m na poŭnač ad vulicy Padhornaj, na terytoryi aeraporta Minsk 1, u adnoj z voinskich čaściej vajennaha haradka Uručča, u rajonie Čyžoŭskich mohiłak, na paŭnočna-zachodnim bierazie vadaschovišča Drazdy.
«Pry vybary miescaŭ maksimalna ŭličvalisia intaresy minčan i haściej stalicy», — adznačyŭ Makaraŭ.
Salut budzie taksama dadzieny ŭ Bresckaj krepaści i abłasnych centrach.
