Iłan Šor mieŭ ciesnyja suviazi z małdaŭskimi palitykami, a jahonaja žonka Žaśmin śpiavała. Fota aquarelle.md.
Viadomy ŭ Małdovie biznesoviec, muž rasijskaj śpiavački Žaśmin Iłan Šor źmieščany pad chatni aryšt na 30 sutak u suviazi z rasśledavańniem spravy ab vyvadzie z krainy bujnoj sumy hrošaj. Jon prachodzić pa spravie Banca de Economii, jakuju rasśleduje Nacyjanalny antykarupcyjny centr krainy.
Pierad apošnimi parłamienckimi vybarami z krainy było vyviedziena 11 miljardaŭ lejeŭ (kala 700 młn dalaraŭ). Pa zamovie ŭrada Małdavii było praviedziena rasśledavańnie. U spravazdačy mižnarodnaha detektyŭnaha ahienctva Kroll fihuravała imia Šora, jaki zajmaŭ pasadu staršyni kiraŭničaj rady Banca de Economii (były «Aščadny bank» krainy). U dakładzie paviedamlałasia ab tranzakcyjach ŭ małdaŭskich bankach akcyj Banca de Economii, Unibank i Banca Sociala (Sacbank), adnym z akcyjanieraŭ jakich i jość Šor.
Žonka Šora, śpiavačka Žaśmin, baronić svajho čałavieka. «Mnie ź ciažkaściu vierycca ŭ toje, što adbyvajecca… Moj muž pavažany čałaviek i paśpiachovy pradprymalnik, miecenat, aktyŭna padtrymlivaje sport i mastactva ŭ Małdovie, zasnavalnik dabračynnaha fondu, jaki dapamoh i padtrymaŭ u ciažkuju chvilinu dziasiatki siemjaŭ i sotni ludziej, a hałoŭnaje — jon lubiačy, dobry baćka i muž», — napisała jana ŭ siabie ŭ Fejsbuku.
28-hadovy Šor naradziŭsia ŭ Tel-Avivie (Izrail), ale vyras u Małdovie i tam uspadkavaŭ bahaty biznes svajho baćki.
