Pahadnieńnie praduhledžvaje, što hramadzianam dźviuch krain, asobam biez hramadzianstva, jakija pastajanna pražyvajuć na terytoryi Biełarusi abo Łatvii, i asobam, jakija majuć status niehramadzianina Łatvijskaj Respubliki, buduć vydavacca vizy z pravam znachodzicca na terytoryi dziaržavy druhoha boku da 180 dzion na praciahu hoda (90 dzion na praciahu paŭhoda) z daty pieršaha ŭjezdu.
Hramadzianie Biełarusi i asoby biez hramadzianstva, jakija pastajanna pražyvajuć na jaje terytoryi, nie padlahajuć rehistracyi na terytoryi Łatvii. Hramadzianie Łatvii, asoby biez hramadzianstva, jakija pastajanna pražyvajuć na jaje terytoryi, i asoby, jakija majuć status niehramadzianina Łatvii, vyzvalajucca ad rehistracyi na terytoryi Biełarusi na termin da 30 dzion z daty ŭjezdu pry najaŭnaści mihracyjnaj kartki, aformlenaj pry ŭjeździe ŭ našu krainu.
Kampietentnyja orhany dźviuch dziaržaŭ bieśpieraškodna prymajuć nazad na terytoryju svajoj krainy lubuju asobu, jakaja znachodzicca na terytoryi druhoj dziaržavy, u ramkach dziejańnia pahadnieńnia.
Akramia taho, pahadnieńniem ustanaŭlivajucca katehoryi asob, jakija majuć prava ŭjezdu i vyjezdu bieź viz, vypadki i paradak vydačy šmatrazovych viz terminam dziejańnia da 1 hoda, viz terminam dziejańnia nie bolš jak 15 sutak, biaspłatnych viz.
Zaklučeńnie pahadnieńnia daść mahčymaść vyznačyć paradak uzajemnych pajezdak hramadzian dźviuch krain va ŭmovach ustupleńnia Łatvii ŭ Šenhienskuju zonu.
Ciapier pahadnieńnie časova prymianiajecca da jaho ŭstupleńnia ŭ siłu.
