Emi Ŭajnchaus |
Tryjumfataram cyrymonii stała brytanskaja śpiavačka Emi Uajnchaŭs. Jana pieramahła ŭ piaci naminacyjach: «Najlepšaja pieśnia hodu» (pieśnia ‑‑ Rehab), «Zapis hodu» (Rehab) «Najlepšy žanočy pop‑vystup» (pieśnia Rehab), «Albom hodu» Back To Black, «Najlepšy debiut».
Miž inšym, Emi Ŭajnchaus nie zmahła pryjechać u Łos-Andželes praz prablemy ź vizaj.
Brus Sprynhścin pieramoh u troch naminacyjach: najlepšaje solnaje vykanańnie rok‑kampazycyi, najlepšaj pieśniaj u styli rok (pieśnia ‑‑ Radio Nowhere), najlepšaje vykanańnie instrumentalnaj kampazacyi ŭ styli rok (lehiendarnaja ‑‑ Once Upon A Time In The West).
U naminacyi najlepšy mužčynski pop‑vystup pieramoh Džastyn Tymberlejk (What Goes Around…Comes Around)
U naminacyi najlepšy albom u styli rok pieramahli Foo Fighters (Echoes, Silence, Patience & Grace). Jany ž stalisia pieramožcami ŭ styli «chevi metał» ‑‑ The Pretender.
Brus Sprynhścin |
Inšyja naminacyi
Najlepšy tancavalny albom: We Are The Night The Chemical Brothers
Najlepšy tradycyjny pop‑albom Call Me Irresponsible Michael Bubl
Najlepšaje hrupavoje vykanańnie rok‑kampazycyi Icky Thump The White Stripes
Najlepšy albom u styli rytm‑n‑bluz Funk This Chaka Khan
Najlepšy R'n'B albom: Because Of You Ne‑Yo
Najlepšy albom u styli kantry These Days Vince Gill
Najlepšaja kampazycyja dla dueta ŭ styli rep: Umbrella Rihanna i Jay‑Z.
Barak Abama |
Nie abyšłasia jubilejnaja cyrymonija uručeńnia Grammy i biez palityki. Kandydat u prezydenty ad Demakratyčnaj partyi Barak Abama staŭ laŭreatam u naminacyi «Najlepšy aŭdyjoapovied».
U hetaj katehoryi spaborničajuć hukazapisy pramovaŭ, vystupaŭ, vieršaŭ, a taksama aŭdyknihi.
Dysk Abamy «Advaha nadziei: razvahi pra adnaŭleńnie amerykanskaj mary» byŭ pryznany najlepšym. Kankurentami ŭ baraćbie za Grammy byli Bił Klintan i Džymi Karter.
50-ja jubilejnaja cyrymonija ŭručeńnia premij Grammy budzie pakazana siońnia na telekanale BT. Pačatak u 21.45.