Čytač charter97.org Uładzimir raspavioŭ pra incydent na futbolnym matčy ŭ Pinsku.
«9 maja byŭ zvyčajny matč druhoj lihi «Chvala» — «JUA-Bud» u Pinsku. Paśla šostaha hoła hulec «Chvali» (zaŭvažaju: hulec!) padbieh da siektara zaŭziataraŭ paśla ŭziaćcia bramy. U vyniku niekalki fanataŭ prosta ŭ siektary atrymali ŭdary ad pracaŭnikoŭ milicyi. Za što? Za ahulnuju radaść pieramohi?
Voś jana, roźnica kultur: adny radujucca, a inšyja, jakija vałodajuć uładaj, pomściać za parušeńnie ich «drymoty» na pracy. Spadziajusia, hety zapis tranślacyi pa internecie zachavaŭsia dla Upraŭleńnia ŭłasnaj biaśpieki, jaki robić rasśledavańni dla paćvierdžańnia faktaŭ źbićcia prostych ludziej milicyjaj nie tolki ŭ Baranavičach», — piša čytač.
Nahadajem, niadaŭna adbyłosia brutalnaje źbićcio futbolnych fanataŭ. Pierad matčam «Baranavičy» — «Dniepr» 3 maja adbyŭsia kanflikt pamiž AMAPam i fanatami haspadaroŭ.
