Kreml nie maje namieru praviarać čutki ab zatrymańni rasijskich vajskoŭcaŭ na Danbasie, zajaviŭ žurnalistam pres-sakratar prezidenta Rasii Dźmitryj Piaskoŭ.
U niadzielu va ŭkrainskich ŚMI źjaviłasia infarmacyja pra zatrymańnie ŭ horadzie Ščaście vajskoŭcaŭ, jakija ŭ chodzie dopytu nazvali siabie rasijskimi kantraktnikami.
«Heta nie tema administracyi prezidenta. Hetaje pytańnie treba adrasavać nie da nas. Nieadnarazova kazałasia i nami, i ministerstvam abarony, što nijakich rasijskich vajskoŭcaŭ u Danbasie niama», — cytuje Piaskova TASS.
Pa słovach pres-sakratara, kamientar z nahody raspaŭsiudžanych ŭkrainskim bokam materyjałaŭ pavinna davać ministerstva abarony Rasii.
0
0
0
0
0
0
