U Homieli zatrymany mańjak-zabojca, na rachunku jakoha jak minimum dźvie achviary, miascovyja dziaŭčaty 1988 i 1990 hadoŭ naradžeńnia. Pra heta paviedamili 18 maja na sumiesnym bryfinhu namieśnik načalnika USK pa Homielskaj vobłaści Juryj Dziamjančyk i načalnik upraŭleńnia kryminalnaha vyšuku abłasnoha UUS Viktar Čykunoŭ.
Pavodle słoŭ Čykunova, 15 maja ŭ milicyju źviarnuŭsia žychar Savieckaha rajona Homiela, jaki paviedamiŭ, što ŭ 6.00 jaho žonka Alaŭcina pajechała na pracu, ale da pradpryjemstva nie dajechała. Pakolki maładaja žančyna charaktaryzavałasia z usich bakoŭ stanoŭča, padstaŭ nie prybyć na pracu ŭ jaje nie było, nieadkładna pačaŭsia jaje pošuk. Naściarožyŭ apieratyŭnikaŭ toj fakt, što pry padobnych da hetych akaličnaściach 15 lipienia 2014 hoda źnikła žycharka Homiela Alesia 1990 hoda naradžeńnia, jakaja, jak i Alaŭcina, pracavała na pradpryjemstvie TAA «Škłaluks».
Dziakujučy zładžanaj pracy USK i UUS u niadzielu viečaram, 17 maja, padazravany ŭ zabojstvie dźviuch dziaŭčyn byŭ zatrymany. Im akazaŭsia 32-hadovy žychar Homiela, jaki pracavaŭ upakoŭščykam na pradpryjemstvie «Škłaluks». Jon byŭ znajomy ź dziaŭčatami. U abodvuch vypadkach matyvam złačynstva było seksualny hvałt i nastupnaje zabojstva.
Pavodle słoŭ Juryja Dziamjančyka, zabojstva i Alesi, i Alaŭciny było ŭčyniena ŭ haražy padazravanaha. Zakapany trup Alaŭciny znajšli niepadalok ad raki Ipuć. Jak adznačyŭ Dziamjančyk, maršrut pieramiaščeńnia Alaŭciny adsočvaŭsia pa sotach mabilnaj suviazi. Heta dapamahło vykryć złačyncu. Užo praviedzienaja sudova-miedycynskaja ekśpiertyza. Pryčyna śmierci dziaŭčyny — cialesnaje paškodžańnie ŭ vobłaści hałavy i ŭdušeńnie.
U chodzie dačy pakazańniaŭ padazravany ŭkazaŭ miesca, dzie ŭ lipieni minułaha hoda pachavaŭ Alesiu, — lasny masiŭ za piać kiłamietraŭ ad Homiela. Alesia była zabitaja ŭ dzień svajho naradžeńnia. Pavodle słoŭ padazravanaha, jany źbiralisia razam jaho adznačyć.
Padazravany raniej sudzimy za razboj — u 2007 hodzie jon, pahražajučy nažom, patrabavaŭ u dziaŭčyny hrošy. Tady jon byŭ pakarany tryma hadami pazbaŭleńnia voli i vyzvaliŭsia ŭmoŭna-daterminova. U jaho jość žonka i trochhadovaje dzicia.
U padazravanaha byŭ aŭtamabil, jakim jon jeździŭ na pracu. Pavodle papiaredniaj infarmacyi, i Alesiu, i Alaŭcinu jon padmannym šlacham sadziŭ u mašynu i advoziŭ u haraž, dzie hvałtavaŭ i zabivaŭ.
Śledstva nie vyklučaje, što ŭ mańjaka jość i inšyja achviary. Raspačata sprava pa č. 2 art. 139 Kryminalnaha kodeksa.