Upraŭleńniem Śledčaha kamiteta pa Minskaj vobłaści vyśviatlajucca abstaviny darožna-transpartnaha zdareńnia, u vyniku jakoha zahinuli dva čałavieki, paviedamlaje pres-słužba SK.
Siońnia, 19 maja, kala 7-j ranicy kiroŭca aŭtamabila «Reno», ruchajučysia ŭ napramku Minska pa trasie M1 (381-y km), u Smalavickim rajonie, nie spraviŭsia z kiravańniem, vyjechaŭ na raździalalnuju pałasu i sutyknuŭsia ź mietaličnaj aharodžaj.
U vyniku DTZ 43-hadovaja žančyna, jakaja znachodziłasia za rulom, i jaje 21-hadovy syn, žychary Bresckaj vobłaści, atrymaŭšy cialesnyja paškodžańni, nie sumiaščalnyja z žyćciom, zahinuli na miescy.
Śledča-apieratyŭnaj hrupaj z udziełam śledčych abłasnoha aparata ŭpraŭleńnia SK pa Minskaj vobłaści, supracoŭnikaŭ DAI, śpiecyjalistaŭ Dziaržaŭnaha kamiteta sudovych ekśpiertyz praviedzieny ahlad miesca zdareńnia.
U ramkach pravierki apytvajucca vidavočcy i śviedki, pryznačany šerah ekśpiertnych daśledavańniaŭ, paviedamlaje pres-słužba.