Dźmitryj Miadźviedzieŭ źjaviŭsia na naradzie ŭ prezidenta Rasii Uładzimira Pucina ŭ «razumnym» hadzińniku Apple Watch.
Fotazdymak rasijskaha premjer-ministra z hadžetam na ruce byŭ apublikavany ŭ Twitter žurnalista «Komsomolskoj pravdy» Dźmitryja Śmirnova.
Miadźviedzieŭ viadomy svajoj luboŭju da hadžetaŭ i novych technałohij. U 2013 hodzie jon staŭ uładalnikam YotaPhone, akramia taho, jon źjaŭlajecca amataram elektronnaj pradukcyi kampanii Apple — premjer vałodaje niekalkimi iPhone i iPad.
U 2010 hodzie, budučy prezidentam Rasii, Miadźviedzieŭ zajaviŭ, što tyja, chto sprabuje začynicca ad technałohij, ździajśniajuć pamyłku i pazbaŭlajuć siabie zadavalnieńnia. U 2010 hodzie kiraŭnik Apple Styŭ Džobs asabista padaryŭ Miadźviedzievu smartfon iPhone 4 za dzień da aficyjnaj premjery telefona ŭ ZŠA.
