Rasija zdolnaja akupavać krainy Bałtyi na praciahu dvuch dzion i NATA «nie zmahło b adekvatna adreahavać» na padobnuju situacyju.
Pra heta zajaviŭ kiraŭnik vajennaha kamiteta NATA (jaki zastupaje na pasadu z 1 červienia) hienierał Piotr Pavieł na kanfierencyi «Naša biaśpieka» ŭ Prazie, paviedamlaje Radyjo Praha.
«Naša biaśpieka nie znachodzicca na naležnym uzroŭni, i miery, jakija Jeŭropa prymaje ŭ suviazi z pahrozami Rasii i tak zvanaj «Isłamskaj dziaržavy», akazvajucca nieefiektyŭnymi», — skazaŭ Pavieł.
Pavieł taksama zajaviŭ, što jamu nie padabajucca niedachopy NATA ŭ častcy abmienu vyvieddadzienymi, bo Aljans nie maje svajoj vyviedvalnaj sietki i sistemy.
Nie pahadziŭšysia ź im, pastajanny pradstaŭnik Čechii ŭ NATA Iržy Siadzivy adznačyŭ, što praces vyviedki ŭ Aljansie naładžany dobra.
Jon skazaŭ, što Rasija, vierahodna, zdolnaja na praciahu dvuch dzion, naprykład, zaniać Kijeŭ, ale pytańnie ŭ tym, ci chopić u jaje potym materyjalna-techničnaj padtrymki dla ŭtrymańnia horada.
