Brescki hurt TerraKod priezientavaŭ albom «Paspality». Muzyki vykłali jaho dla biaspłatnaha prasłuchoŭvańnia na Soundcloud. Žyvaja prezientacyja projdzie ŭ Breście 13 červienia.
«Padychod da stvareńnia alboma byŭ dastatkova prostym i ščyrym: my ŭziali lepšaje z žyvych vystupaŭ hurta, pieśni, pad jakija publika šaleje maksimalna,
— kaža vakalistka Kasia. — Prosta pavykidali ŭsio zališniaje – bałady i liryčnyja adchileńni. Pa vyniku – 100% fołk-mietał. Biez saplej».
Styl albomu muzyki vyznačajuć jak «novaja chvala biełaruskaha fołk-mietała». U albom uvajšli ŭ tym liku pieśni z papiarednich samotnikaŭ «Miata» i «Rasa.by». Pieršy byŭ biełaruska-polskim pryśviačeńniem Ernestu Cheminhueju, druhi — pieraasensavańniem łatyšskaj pieśni «Migla Migla Rasa Rasa».
«My ŭ studyi pieražyli pa niekalki žyćciaŭ samich siabie i hetych piesień i šmat spačatku zaparvalisia na tendencyjnych paradach kalamuzyčnaj tusoŭki, — raspaviadaje vakalist Bajsan. — A potym u adzin momant pryjšło takoje dakładnaje razumieńnie — da nachaleru ŭvieś hety fejk. Brudnyja tancy – značyć brudny saund. Seks, duda, rakienroł!»
