Plaž na Cnianskim vadaschoviščy. Fota: minsknews.by
Z 1 maja da patrulavańnia terytoryi Cnianskaha vadaschovišča dadatkova pryciahvajuć AMAP, połk PPSM i ŭnutranyja vojski, paviedamlaje HUVD Minharvykankama.
Takim čynam milicyja adreahavała na adnu z prapanoŭ hramadzian: aktyŭniej pryciahvać da adkaznaści ludziej, jakija raśpivajuć na Cniancy śpirtnyja napoi.
Terytoryja vadaschovišča padzielenaja na šeść maršrutaŭ, pa jakich patruli chodziać z 9 ranicy da 23 viečara. U hetym hodzie ŭžo składziena 19 pratakołaŭ pa fakcie raśpićcia na Cniancy śpirtnych napojaŭ.
Ahułam za raśpićcie ŭ hramadskich miescach pa ŭsim Minsku ŭ hetym hodzie składziena 2,5 tysiačy pratakołaŭ, vyznačanyja miescy kancentracyi niepaŭnaletnich i moładzi.
Taksama prapanovy tyčylisia pryciahnieńnia da adkaznaści handlaroŭ, što ŭ Zialonym Łuzie pradajuć ałkahol niepaŭnaletnim (składziena 27 pratakołaŭ), spynieńnia realizacyi samahonu ŭ pryvatnym siektary ŭ rajonie vuł. Bahdanoviča (skanfiskavana 250 litraŭ), pryciahnieńnia da adkaznaści piešachodaŭ i ravarystaŭ, što parušajuć praviły darožnaha ruchu na vuł. Jakuba Kołasa, Łahojskim trakcie i vuł. Mirašničenki (843 piešachody pryciahnutyja da adkaznaści) i mnohaha inšaha.
Napisać zvarot praź internet i daviedacca pra inšyja sposaby suviazi možna na sajcie guvd.gov.by.