Tryccacitysiačny horad Biaroza stanie nastupnym nasielenym punktam u Bieraściejskaj vobłaści, dzie źjavicca ladovy pałac. Takoje rašeńnie było pryniataje paśla vosieńskaha naviedvańnia Łukašenkam hetaha horadu.
Miescam dla budaŭnictva novaha pałacu stała placoŭka ź niedabudavanym basejnam jašče savieckich časoŭ, jaki pacichu razvalvaŭsia, i dzie biarozaŭskija dzieci, u pošukach pryhod, bavili volny čas. Ciapier stary niedabudavany abjekt znosicca, u bližejšy čas planujecca znos i častki starych žyłych chat, kab rasčyścić terytoryju pad budaŭnictva.
Łukašenka abiacaŭ, što pabuduje ŭ Biarozie i ladovy pałac, i novy basejn, ciapier ža razhladajecca budaŭnictva tolki pałacu. Abjekt planujuć zdać užo praz paŭhodu da 1 vieraśnia, ale ž miascovyja žychary nia vierać, što takoje ŭ ichnym horadzie mahčymaje.
