Alaksandr Łukašenka i premjer-ministr Pakistana Navaz Šaryf padpisali Isłamabadskuju dekłaracyju biełaruska-pakistanskaha partniorstva, pieradaje BIEŁTA.
Akramia taho, u Isłamabadzie byŭ padpisany pakiet z dvuch dziasiatkaŭ dakumientaŭ, nakiravanych na pašyreńnie supracoŭnictva Biełarusi i Pakistana ŭ roznych śfierach.
U pryvatnaści, Biełaruś i Pakistan zaklučyli dahavor ab uzajemnaj pravavoj dapamozie pa hramadzianskich i haspadarčych spravach.
Padpisany mižuradavyja pahadnieńni ab vajenna-techničnym, supracoŭnictvie ŭ halinie navuki i technałohij, mižuradavy miemarandum ab supracoŭnictvie ŭ halinie infarmacyi i kamunikacyj.
Miemarandum ab uzajemarazumieńni adnosna ŭstanovy miechanizmu dvuchbakovych kansultacyj padpisali ministerstva zamiežnych spraŭ Biełarusi i Pakistana, miemarandum ab uzajemnym supracoŭnictvie — Ministerstva justycyi Biełarusi i Ministerstva prava, justycyi i pravoŭ čałavieka Pakistana.
Padpisany taksama dakumient-pahadnieńnie ab stvareńni biełaruska-pakistanskaha sumiesnaha dziełavoha savieta.
Padpisany pahadnieńni ab supracoŭnictvie ŭ śfiery adukacyi, kultury, pamiž Mahiloŭskim abłvykankamam i ŭradam pravincyi Piendžab, pamiž Biełaruskaj handlova-pramysłovaj pałataj i Fiederacyjaj pakistanskich handlova-pramysłovych pałat, pamiž Nacyjanalnaj dziaržaŭnaj teleradyjokampanijaj Biełarusi i dziaržaŭnaj teleradyjokampanijaj «Pakistan Television Corporation», pamiž Biełdziaržuniviersitetam i Univiersitetam Kaidy-i-Azam.
Akramia taho, padpisany miemarandumy ab uzajemarazumieńni ŭ halinie pramysłovaści, sielskaj haspadarki i charčavańnia, navuki i technałohij, inviestycyj, a taksama pamiž nacyjanalnymi biblijatekami Biełarusi i Pakistana, Biełaruskim dziaržaŭnym univiersitetam infarmatyki i radyjoelektroniki i Nacyjanalnym univiersitetam navuk i technałohii Pakistana.
