Most da pačatku rabot. Fota: michellegable.com
Stalica Francyi pazbaviłasia adnoha ź simvałaŭ: zamočkaŭ na moście Mastactvaŭ. Vyrašeńnie raźbiła sercy paryžan, piša Le Parisien.
Heta byŭ vymušany krok: amal miljon zamočkaŭ pahražaŭ źniščyć most, ekstranna začynieny paśla častkovaha razbureńnia ŭ minułym hodzie.
Tradycyjna miascovyja žychary i turysty viešali na most zamočki ź imionami pary zakachanych jak simvał viečnaj viernaści, a kluč vykidali ŭ raku Sienu. Ź ciaham času na moście nabrałasia pad 45 ton zamočkaŭ — kanstrukcyja vidavočna nie była raźličanaja na takuju nahruzku ramantyki.
Miarkujecca, što tradycyja pačałasia kala 2008 hoda, ale zapała ŭ sercy zakachanych. Kab paźbiehnuć viartańnia zamočkaŭ na inšyja masty (a zamočki ŭžo pačali advajoŭvać most Salfieryna), paryžskaja meryja płanuje zamianić mietaličnyja aharodki na šklanyja borciki, ustojlivyja da «simvałaŭ viečnaha kachańnia». Most maje znoŭ adkrycca paśla 8 červienia.
Fota: Reuters
Fota: Reuters
Fota: Stephane De Sakutin, Getty Images
Fota: Charly Triballeau, Getty Images
