Pa stanie na 1 červienia ŭsiaho na naminacyi i konkursy padadziena bolš za 200 rabot. Maksimalnuju kolkaść pracaŭ, jak zaŭsiody, atrymlivaje naminacyja «Hrafičny i kamunikacyjny dyzajn» – 68. Taksama šmat prajektaŭ padadziena ŭ naminacyjach «Sacyjalnaja rekłama» i «Biełaruskaaryjentavany rekłamny i kamunikacyjny prajekt».
Siarod novych naminacyj, na jakija varta źviarnuć uvahu ŭdzielnika AD.NAK!-2015, — «Markietynhavaja efiektyŭnaść», «Inavacyi» i «Mabilnaja rekłama».
Praces padačy rabot na sajcie Fiestyvalu adnak.by sioleta zrobleny maksimalna prostym i zručnym! Adnačasova z hetym i techničnyja patrabavańni da padadzienych rabot sioleta bolš strohija! Kali łaska, pierš čym zapampoŭvać rabotu, uvažliva aznajomciesia z patrabavańniami da kožnaj naminacyi i padnaminacyi.
Nahadvajem, što ŭdzieł u Fiestyvali mohuć uziać raboty, vykananyja TOLKI na biełaruskaj movie! Vyklučeńniem źjaŭlajecca naminacyja «Biełaruskaaryjentavany rekłamny i kamunikacyjny prajekt». Da ŭdziełu ŭ joj prymajucca rekłamnyja i kamunikacyjnyja prajekty na luboj movie. Adnak u ich asnovie musić lažyć «biełaruskaja aryjentacyja» — asablivaści historyi, kultury, falkłoru, mientalnaści biełarusaŭ.
Taksama sioleta arhanizatary vyrašyli viarnuć «Konkurs nierealizavanych prajektaŭ», u jakim mohuć uziać udzieł kreatyŭnyja i nieardynarnyja prajekty, nie pryniatyja klijentam abo stvoranyja dla niaisnaha brendu.
Partnior fiestyvalu kampanija Universal Press zaprašaje prafiesijnych dyzajnieraŭ i ilustrataraŭ, studentaŭ profilnych navučalnych ustanovaŭ uziać udzieł u konkursie «Volny druk na Elevate». U miežach konkursu ŭdzielnikam treba prapanavać dyzajn sučasnych biełaruskich pryntoŭ na adzieńnie. A mienavita raspracavać novyja biełaruskija simvały, paterny i arnamienty dla brendu haradskoha adzieńnia Elevate.
A dałučycca da fiestyvalnaha konkursu «Kaša suvoraŭskaja» moža LUBY naziralny i nieabyjakavy čałaviek! Kab paŭdzielničać u im, treba dasłać fota z prykładami nieprafiesijnaj rekłamy, što demanstruje ci vykarystoŭvaje pamyłkovyja histaryčnyja i kulturnickija stereatypy albo zrobleny suprać usich kanonaŭ rekłamnaj łohiki.
Šosty fiectyval AD.NAK! zaprašaje da ŭdziełu jak rekłamistaŭ, tak i śpiecyjalistaŭ u śfiery kamunikacyi, kulturnickich mieniedžaraŭ i pradziusaraŭ, čyje biełaruskamoŭnyja prajekty nakiravanyja na toje, kab zrabić hety śviet lepšym, i pavialičvajuć śviadomaść ludziej u dačynieńni biełaruskaj movy i biełaruskaj kultury.
Hienieralny partnior AD.NAK! druhi hod zapar — kampanija velcom.
Udzieł u Fiestyvali BIASPŁATNY!
Kančatkovy dedłajn pryjomu pracaŭ — 8 červienia.
Cyrymonija ŭznaharodžańnia pieramožcaŭ z papiaredniaj admietnaj adukacyjnaj prahramaj pry ŭdziele zamiežnych ekśpiertaŭ — 2 lipienia.
Asnoŭnaja kancepcyja Šostaha fiestyvalu biełaruskamoŭnaj rekłamy i kamunikacyi AD.NAK! — «Hodny šlach rekłamista». U centry ŭvahi sioletniaha Fiestyvalu — asoba samoha stvaralnika. Šosty AD.NAK! zaprašaje rekłamistaŭ, śpiecyjalistaŭ u śfiery kamunikacyi, kulturnickich mieniedžaraŭ i pradziusaraŭ abjadnać svaje namahańni i dapamahčy biełaruskamoŭnaj rekłamie prajści hety šlach: ad nierašučaj koski da značnaha i ŭpeŭnienaha kličnika!
Usie padrabiaznaści pra Fiestyval, naminacyi i ŭmovy ŭdziełu ŭ vorkšopach — u adpaviednych raździełach sajta Adnak.by.
Dadatkovaja infarmacyja: (029) 177-01-21, (029) 755-14-34, je-mail: [email protected].
Kantakty dla daviedak:
Lizavieta Nieŭmiaržyckaja,
pres-sakratar HKK «Budźma biełarusami!»
+375 44 742 48 32,
skypename – elzbietka_eilis