Na biržavych tarhach siońnia zdaryłasia niespadziavanka: adzin z bankaŭ padaŭ zajaŭku na prodaž dalaraŭ pa vielmi niezvyčajnaj canie — 8 biełaruskich rubloŭ. Akramia taho, u «šklanku» trapiła zajaŭka na prodaž jeŭra taksama pa vielmi «pryhožym» kursie — 352 rubli.
— Sapraŭdy, taki fakt byŭ na siońniašnich tarhach, — paćvierdzili infarmacyju FINANCE.TUT.BY ŭ adnym z kamiercyjnych bankaŭ, jakija ŭdzielničali ŭ tarhach. — Heta techničnaja pamyłka, abumoŭlenaja čałaviečym faktaram.
Reč u tym, što ŭ chodzie tarhoŭ ŭdzielniki mohuć karektavać źviestki, jakija jany ŭkazvajuć u svaich zajaŭkach. Dla hetaha prosta prybirajuć staruju canu, pa jakoj chacieli ździejśnić ździełku, i dadajuć novuju.
Jak rastłumačyŭ ŭdzielnik tarhoŭ, nałady sistemy «nie praduhledžvajuć błakavańnie ździełak, u jakich pakazany taki dziŭny kurs, a tamu zajaŭka była pryniataja».
— Naturalna, što ździełka, zroblenaja pa hetym kursie, była anulavana i na vynikovyja vyniki tarhoŭ nie paŭpłyvała, — zapeŭniŭ bankir.
Pa słovach pradstaŭnika bankaŭskaj supolnaści, paśla pierachodu na bieśpierapynny dvajny aŭkcyjon takija zboi adbyvajucca dastatkova časta.
