U Charkavie (Ukraina) pozna ŭviečary 11 červienia kala 40 čałaviek ŭčynili pahrom z raźnioj na vulicy Otakara Jaraša, dzie znachodzicca studencki haradok ź internatami niekalkich VNU. Paźniej pastupili paviedamleńni ab napadzie na vulicy Kłačkoŭskaj, što za 3 km ad vuł. Jaraša. Pa dadzienych MUS, paciarpiełych ad napadu — 6 čałaviek.
U vyniku napadu traich čałaviek z nažavymi ranieńniami adpravili ŭ balnicu.
Pavodle słoŭ vidavočcy Alaksandra, napadniki byli maładymi ludźmi spartyŭnaha ciełaskładu, ich hałovy byli zakručanyja futbołkami, niekatoryja byli ŭ maskach i z nažami. Jany prabiehli pa vulicy Jaraša, źbivajučy ŭsich na svaim šlachu i kryšačy ŭsio, što traplałasia pad ruku.
Jany prabili šyny niekalkim aŭtamabilam, jakija byli pryparkavany kala adnaho ź internataŭ. «Na łavačcy kala internata siadzieli chłopcy, natoŭp adrazu na ich nakinuŭsia, parezali im śpiny, nohi, parezali mašyny, jakija pobač stajali», — raspaviadaje Alaksandr.
Pa słovach vidavočcy, adzin z paciarpiełych — arab. Jaho pavieźli ŭ špital na mašynie z parezanymi kołami, nie čakajučy pryjezdu «chutkaj». Astatnija dva paciarpiełyja — ukraincy. U adnaho ź ich hłybokija parezy śpiny, u druhoha — raźbita hałava i hłybokaja rana nohi. Ich zabrała «chutkaja».
Sam Alaksandr na momant napadu siadzieŭ za stolikam kala kaviarni za 100 mietraŭ ad miesca zdareńnia. Jon kaža, što kali pačałasia raźnia, usie, chto byŭ pobač, pačali kryčać i pabiehli ŭnutr kaviarni. Haspadar ustanovy zamknuŭ dźviery, napadniki pasprabavali patrapić unutr, ale ŭ ich ničoha nie vyjšłaja. Jany raskidali stoliki i kresły kala kafe, paśla čaho ŭciakli ŭ bok stancyi mietro Navukovaja.
