Handbalisty zbornaj Biełarusi pieramožna zaviaršyli vystupleńnie ŭ adboračnym turniry čempijanatu Jeŭropy — 2016.
Siońnia na placoŭcy minskaha Pałaca sportu biełarusy ŭ matčy 6-ha tura 2-j kvalifikacyjnaj hrupy ŭpeŭniena pierajhrali supiernikaŭ ź Litvy — 31:24.
Paśla hetaj pieramohi hadavancy Juryja Šaŭcova nabrali 6 ačkoŭ i ciapier čakajuć vyniku zaklučnaha pajadynku hetaj hrupy pamiž zbornymi Danii i Bośnii i Hiercahaviny, jakaja adbudziecca siońnia pozna ŭviečary ŭ dackim Brondbiu. Datčanie ŭžo zabiaśpiečyli sabie adnu z dvuch puciovak u finalnuju stadyju kantynientalnaha pieršynstva, a na druhuju pretendujuć biełarusy i baśnijcy. Zbornaja Biełarusi zojmie druhoje miesca, kali baśnijskija handbalisty nie vyjhrajuć siońnia ŭ kamandy Danii.
Stanovišča kamand u 2-j kvalifikacyjnaj hrupie pierad zaklučnym matčam: Danija — 10 ačkoŭ (5 hulniaŭ), Biełaruś — 6 (6), Bośnija i Hiercahavina — 4 (5), Litva — 2 (6).
Pucioŭki na finalny turnir handbolnaha čempijanatu Jeŭropy 2016 hoda, jaki projdzie ŭ Polščy, atrymajuć pa dźvie lepšyja kamandy pa vynikach adboračnaha turniru ŭ siami kvalifikacyjnych hrupach.
