Zatrymanaja ŭ Biełarusi 29-hadovaja hramadzianka Tadžykistana Šabnam Chudajdodava źjaŭlajecca siabroŭkaj abjadnańnia tadžykskaj apazicyi na emihracyi «Hrupa 24». Jana znachodzicca ŭ śledčym izalatary ŭ Breście (zamiežnicu zatrymali ŭ mižnarodnym čyhunačnym punkcie propuska «Brest»). Ułady Tadžykistana prosiać ab ekstradycyi apazicyjanierki na radzimu, dzie jaje abvinavačvajuć u «saŭdziele ŭ złačynstvie». Šabnam Chudajdodava raniej była abvieščanaja ŭ mižnarodny vyšuk za «ekstremisckuju dziejnaść».
Jak infarmuje «Intierfaks-Zapad», asacyjacyja «Pravy čałavieka ŭ Centralnaj Azii» vykazvaje zakłapočanaść u suviazi z pahrozaj vysyłki apazicyjanierki ŭ Tadžykistan. Śćviardžajecca, što tam joj «za adkrytaje vykazvańnie svajho mierkavańnia ŭ sacyjalnych sietkach… pahražajuć katavańni» i pazbaŭleńnie voli da 20 hadoŭ.
Nahadajem, lidar «Hrupy 24» Umarali Kuvataŭ byŭ zabity nieviadomymi ŭ Stambule ŭ sakaviku. Jaho prychilniki nazvali zabojstva palityčnym. Darečy, u Tadžykistanie asudžanyja ŭžo piać udzielnikaŭ apazicyjnaj arhanizacyi, na terminy ad 3 da 17 hadoŭ. Dziasiatki tadžykskich apazicyjanieraŭ zatrymali ŭ Rasii i departavali na radzimu.
