My — dvaranie
Žanr: kamiedyja, drama
Režysior: Hary Ałazraki
U rolach: Hansała Vieha, Łuis Chierarda Miendes, Karła Sauza, Chuan Pabła Chil, Janis Hierera, Karłas Haskon, Marya Chadad, Mary Pas Mata.
Mieksika, 108 chv.
Adznaka: 7, 5
Bahaty biznesmien ź Miechika Hierman Nobl chvalujecca z-za taho, što jaho troje darosłych dziaciej — Chaŭjer, Barbara, i Karłas — nie robiać ničoha karysnaha ŭ svaim žyćci. Jany rana zastalisia biez maci, i Hierman šmat hadoŭ nie zakranaŭ temu pracy, bo bajaŭsia ich niepakoić. Ale ciapier, kali Chaŭjer bavić čas ź siabrami i prydumlaje tupyja idei dla biznesu, Barbara źbirajecca zamuž za bałaboła biez hrošaj, a Karłasa vyklučyli z univiersiteta za suviazi z vykładčycami, Hieman vyrašyŭ pravučyć dziaciej.
Małady maksikansy režysior Hary Ałazraki dla svajho režysiorskaha poŭnamietražnaha debiuta abraŭ biesprojhryšny varyjant — kłasičny kamiedyjny siužet.
Najpierš jon adsyłaje da stužki Łuisa Buniuela «Vialiki hulaka» 1949-ha. Praŭda, tam na šyi ŭ bahacieja siadzić vialikaje siamiejstva, a vyzvalać jaho ad niesumlennych rodnych i čarki davodzicca ŭłasnamu advakatu padobnym sposabam, jakim Hierman vyrašaje vučyć žyćciu ŭłasnych dziaciej. Siabar Hiermana i partnier pa biznesie Anvar ź im za adno: razam jany imitujuć aryšt majomaści i bankrutstva kampanii, u vyniku čaho siamja zastajecca biez srodkaŭ. Dzieci vymušanyja žyć pa-inšamu — bieskłapotnamu isnavańniu «załatoj moładzi» prychodzić kaniec. Hetaja padzieja kardynalna źmianiaje ich staŭleńnie da ludziej i žyćcia.
Stužka była naminavanaja na mieksikanskuju kinapremiju «Aryel»-2014 za najlepšy adaptavany scenar. Vykanaŭca hałoŭnaj žanočaj roli Karła Sauza atrymała niekalki ŭznaharod za rolu Barbary.
