Hałahrama na aparacie Kino-mo. Kadr z tranślacyi finału konkursu
Prajekt Kino-Mo biełarusaŭ Kiryły Čykiejuka i Arcioma Stavienki pieramoh u konkursie Pitch to Rich 2015 kampanii Virgin Group u katehoryi startapaŭ i atrymaje 150 tysiač funtaŭ (bolš za 230 tysiač dalaraŭ) na rekłamu i markietynh svajoj technałohii.
Finalisty pradstaŭlali svaje prajekty ŭ Łondanie pierad žury na čale ź miljarderam Ryčardam Brensanam. Reakcyjaj Brensana na prezientacyju Kino-Mo byli słovy «vyhladaje fantastyčna».
Kino-Mo trapili ŭ lik 32 finalistaŭ pa vynikach anłajn-hałasavańnia, u jakim im addali hołas 15 tysiač čałaviek. Pramaja tranślacyja finała viałasia na Youtube. Prezientacyja biełarusaŭ pačynajecca na 32 chvilinie, prajekt pradstaŭlaŭ asabista jaho suaŭtar Kirył Čykiejuk.
Prajekt Kino-mo daje mahčymaść pakazvać dynamičnyja kalarovyja hałahramy ŭ pavietry. Vyjava stvarajecca liniejkami śvietładyjodaŭ, što kruciacca niby vientylatar. Sabiekošt adnoha aparata dla stvareńnia hałahramy składaje pryblizna 180 funtaŭ (Brensan kazaŭ, što nie raskryvaŭ by hetuju ličbu). Ich prapanujecca vykarystoŭvać u najpierš rekłamnych, a taksama zabaŭlalnych metach.
***
Papiaredniaja technałohija Čykiejuka i Stavienki pakazvała animavanyja karcinki na kołach rovaraŭ, jana užo vykarystoŭvajecca ŭ hetych metach u Mieksicy, Irłandyi, Japonii. Suzasnavalnik Kino-mo byŭ nazvany adnym z 30 najbolš pierśpiektyŭnych maładych biełaruskich pradprymalnikaŭ.
