«Kali biez žartaŭ, to, na moj pohlad, i ŭ Rasii hetuju temu [hiejaŭ] varta čas ad času abmiarkoŭvać, — skazaŭ Kisialoŭ, abmiarkoŭvajučy lehalizacyju adnapołych šlubaŭ u ZŠA, — ŁHBT-supolnaść — heta fakt. I možna prykinuć, jak darosłym ludziam palehčyć žyćcio ŭ tym vypadku, kali jany zachacieli ŭziać na siabie — i na papiery — abaviazki kłapacicca adzin pra adnaho. Urešcie, kachańnie robić cudy, chto suprać? Da taho ž, u Rasii jurydyčna aformlenyja adnapołyja sajuzy ŭžo dziejničajuć.
Naprykład, apiakunstva. Nichto nie pytajecca, jakoha połu apiakun i toj, kaho apiakajuć. Damova — i napierad, kłapaciciesia adzin pra adnaho. Nie abaviazkova ž usio seksualizavać. Nie pra seks tut havorka. Seks — asobna. Kali ruchacca, to kudyści ŭ napramku hramadzianskich sajuzaŭ. Hałoŭnaje nie nazyvać ich šlubam. Šlub u Rasii takim i pavinien zastacca. U našaj kultury — heta sajuz mužčyny i žančyny, i kropka. A hramadzianski sajuz - heta inšaja historyja, inšaha ŭzroŭniu. I nie treba tady mužykam biełyja karunki na viasielle apranać i bukiecik kidać cieraź śpinu. Ułasna, pa hetym šlachu pajšła, naprykład, Hałandyja. Akramia siamji, jość tam forma hramadzianskaha sajuza jak zarehistravanaha partniorstva. I nie važna, ludzi jakoha połu ŭ jaho ŭstupajuć. Mohuć i raznapołyja. Heta jašče nie siamja, ale ŭžo aformleny sajuz. Praktykujecca padobnaje i ŭ Francyi, nazyvajecca tam «hramadzianskaja damova salidarnaści». Ci jość supraćpakazańni ŭ Rasii?»
