Pavodle ŭdakładnienych danych, abjom VUP Biełarusi za pieršy kvartał 2015 hoda skłaŭ 191,9 trłn. rubloŭ i źniziŭsia ŭ paraŭnańni z anałahičnym pieryjadam minułaha ŭ supastaŭnych cenach na 2,1%, paviedamili ŭ pres-słužbie Nacyjanalnaha statystyčnaha kamiteta.
U krasaviku Biełstat paviedamlaŭ, što VUP za studzień—sakavik skłaŭ 187,45 trłn. rubloŭ i źniziŭsia ŭ paraŭnańni z anałahičnym pieryjadam minułaha hoda na 2%.
Pieršaja acenka VUP ažyćciaŭlałasia vytvorčym mietadam i była papiaredniaj, pakolki zasnoŭvałasia na apieratyŭnaj infarmacyi statystyčnych abśledavańniaŭ, ekśpiertnych acenkach i ŭskosnych raźlikach, adznačajuć u Biełstacie.
Druhaja acenka ažyćcioŭlenaja tryma mietadami (vytvorčym mietadam, mietadam vykarystańnia dachodaŭ i mietadam farmiravańnia VUP pa krynicach dachodaŭ). Apublikavanyja danyja zasnavanyja na statystyčnych abśledavańniach arhanizacyj i chatnich haspadarak, danych spravazdačy Minfina ab vykanańni biudžetu Biełarusi, aktualizavanych dadzienych płaciežnaha bałansu Nacbanka i administracyjnych dadzienych.
Nahadajem, u studzieni—mai 2015 hoda VUP źniziŭsia na 3% i skłaŭ 321,25 trłn. rubloŭ. Hadavy prahnoz rostu VUP składaje 0,2-0,7%.
