Ustupnaja kampanija ŭ Biełarusi praciahvajecca. Nastupny etap (paśla praviadzieńnia centralizavanaha testavańnia) — čas dla padačy dakumientaŭ u VNU.
Abituryjenty mohuć zabrać svaje siertyfikaty CT u punktach praviadzieńnia testavańnia, u jakich jany prachodzili ispyty pa vučebnych pradmietach u asnoŭny abo reziervovy dzień, i padavać z 8 lipienia dakumienty na vybranyja fakultety, raskazali ŭ pres-centry Ministerstva adukacyi.
Terminy padačy dakumientaŭ praduhledžany pastanovaj Ministerstva adukacyi numar 18 ad 8 krasavika. Pryjom dakumientaŭ na biudžetnyja miescy ŭ vočnaj (dzionnaj, viačerniaj) abo zavočnaj, u tym liku dystancyjnaj formach, u dziaržaŭnych VNU budzie pravodzicca z 8 pa 15 lipienia. Pry hetym pa zavočnaj formie ŭ VNU sielhasprofilu svaje terminy - z 1 pa 30 listapada. Terminy ŭstanoŭleny i dla tych, chto choča atrymać vyšejšuju adukacyju za košt srodkaŭ jurydyčnych asob, indyvidualnych pradprymalnikaŭ, fizičnych asob abo ŭłasnych srodkaŭ.
Abituryjenty, jakija chočuć atrymać vyšejšuju adukacyju na płatnaj asnovie i zdajuć ustupnyja ispyty ŭ VNU (akramia zavočnaj formy ŭ VNU sielhasprofilu), dakumienty pavinny padać z 8 pa 15 lipienia; a tyja, chto padaje na zavočnuju formu ŭ VNU sielhasprofilu, - z 1 pa 30 listapada.
Abituryjenty, jakija chočuć pastupić płatna i jakim nie treba zdavać ustupnyja ispyty ŭ samich VNU (za vyklučeńniem zamiežnych hramadzian i asob biez hramadzianstva), mohuć padać dakumienty ŭ nastupnyja terminy.
Dla abituryjentaŭ, jakija pastupajuć na dzionnuju abo zavočnuju formu atrymańnia adukacyi ŭ Akademiju MUS, Mahiloŭski instytut MUS, Kamandna-inžynierny instytut MNS, Homielski inžynierny instytut MNS, — z 8 pa 29 lipienia.
Na dzionnuju abo zavočnuju formu atrymańnia adukacyi ŭ Biełaruskuju dziaržaŭnuju akademiju mastactvaŭ, Biełaruskuju dziaržaŭnuju akademiju muzyki, Biełaruski dziaržaŭny ŭniviersitet kultury i mastactvaŭ - z 8 pa 31 lipienia. Dla pastupleńnia ŭ inšyja VNU (akramia zavočnaj formy atrymańnia adukacyi va ŭniviersitetach sielhasprofilu) - z 8 lipienia pa 2 žniŭnia. U zavočnaj formie atrymańnia adukacyi ŭ VNU sielhasprofilu - z 1 pa 30 listapada.
Terminy praviadzieńnia ŭstupnych ispytaŭ dla atrymańnia vyšejšaj adukacyi za košt srodkaŭ biudžetu i na płatnaj asnovie adroźnivajucca.
Tak, u Akademii MUS, Mahiloŭskim instytucie MUS, Kamandna-inžyniernym instytucie MNS, Homielskim inžyniernym instytucie MNS na vočnuju (dzionnuju) i zavočnuju formy atrymańnia adukacyi - z 16 pa 19 lipienia. Ustupnyja ispyty ŭ Biełaruskaj dziaržaŭnaj akademii mastactvaŭ, Biełaruskaj dziaržaŭnaj akademii muzyki, Biełaruskim dziaržaŭnym univiersitecie kultury i mastactvaŭ na vočnuju (dzionnuju) i zavočnuju formy atrymańnia adukacyi - z 16 pa 25 lipienia. U inšych ustanovach vyšejšaj adukacyi na vočnuju i zavočnuju formy atrymańnia adukacyi (akramia zavočnaj formy atrymańnia adukacyi ŭ VNU sielhasprofilu) — z 16 pa 21 lipienia. U VNU sielhasprofilu na zavočnuju formu atrymańnia adukacyi - z 1 pa 20 śniežnia.
Zaličeńnie abituryjentaŭ na biudžetnyja miescy ŭ VNU MUS i MNS, a taksama ŭ Instytucie pahransłužby i Vajennaj akademii projdzie pa 23 lipienia, u dziaržaŭnych akademijach mastactvaŭ, muzyki i ŭniviersitecie kultury - pa 29 lipienia, a ŭ inšych VNU — pa 25 lipienia (zavočnaja forma sielhasprofilu — pa 25 śniežnia).
Što datyčycca miesc dla atrymańnia adukacyi na płatnaj asnovie, to ŭ VNU siłavoha błoka — pa 30 lipienia, u VNU śfiery kultury — pa 1 žniŭnia, va ŭsich astatnich — pa 4 žniŭnia (zavočny sielhasprofil — pa 25 śniežnia).
