U minskim kłubie Re:public 16 lipienia projdzie «Biełaruski intelektualny fiestyval» — zabaŭlalny intelektualny pab-kviz. Pačatak a 19-j hadzinie, uvachod dla hledačoŭ — 50 tysiač.
Dla ŭdziełu ŭ feście nie spatrebiacca hłybokija viedy historyi ci kultury, chopić prostaj kiemlivaści i nieabyjakavaści da nazvanych tem.
Nabirajucca kamandy ad 2 da 10 čałaviek (aptymalna — 6-8), zhulajuć pieršyja 30 zarehistravanych kamand. Rehistracyja da 10 lipienia praz supołku «UKantakcie».
Kožny tur fiestyvalu maje nazvy-tematyki: «Nie pakidajcie movy našaj…», «Ad mora da mora», «Dudka biełaruskaja», «Z narodnych krynic», «Viedaj, katok, svoj kutok», «Ruskaja mova jak zamiežnaja», «Adzin čort malavaŭ», «Sučasnaje žyćcio». Finalny tur maje temu-nazvu «Ni adkazu, ni prykazu». Naviednikaŭ čakajuć vystup paeta Viktara Žybula i muzyčnyja siurpryzy.
Heta nie pieršaja sproba intelektualnaj hulni na biełaruskuju tematyku: naprykład, ź zimy ładzilisia (u mienšych maštabach) intelektualna-zabaŭlalnyja turniry VARTA.
