Biust Stalina prybrali ad budujemaj pravasłaŭnaj kaplicy na «Linii Stalina». Demantaž praviali na minułym tydni. Paśla hetaha ŭźviadzieńnie carkoŭnaha abjekta praciahnułasia. Pra heta paviedamiŭ kiraŭnik adździeła pa spravach moładzi Minskaj jeparchii protadyjakan Maksim Łohvinaŭ.
Jak raskazaŭ Alaksandr Miatła, vykanaŭčy dyrektar Historyka-kulturnaha kompleksu «Linija Stalina», biust pieraniasuć i ŭstalujuć kala centralnaha ŭvachodu ŭ muziej pad adkrytym niebam.
Toje, što biust Stalina zastaniecca na terytoryi historyka-kulturnaha kompleksu, Alaksandr Miatła tłumačyć tym, što hety pomnik — «simvał epochi».
— My jaho ŭstalavali nie dla taho, kab prapahandavać stalinizm, - kaža jon.
Pa słovach Alaksandra Miatły, dyrektara fondu dapamohi voinam-internacyjanalistam «Pamiać Afhana» i blizkaha siabra Viktara Šejmana, u 90% naviedvalnikaŭ kompleksu niama niehatyŭnaj reakcyi z nahody biusta Stalina.
- Byŭ čałaviek, kamandavaŭ krainaj… Dobra ci drenna - chaj raźbirajucca historyki, robiać vysnovy. Ciapier svaboda, i kožny maje prava na svajo mierkavańnie. My nie spračajemsia abo sprabujem kahości pierakanać. My pierakonvajem tolki ŭ tym, što historyju treba choć by troški viedać, - kaža jon.
Biust Stalina byŭ ustalavany ŭ 2006 hodzie. Praca skulptara Zaira Azhura kaliści znachodziłasia na centralnaj płoščy pasiołka Ivianiec Vałožynskaha rajona.
Čytać całkam:
