Adbudziecca heta paśla rekanstrukcyi, restaŭracyi i adnaŭleńnia budynkaŭ na hetaj vulicy.
A pakul što padrychtavanyja prajektnyja rašeńni pa rekanstrukcyi, restaŭracyi i adnaŭleńni budynkaŭ na Revalucyjnaj. Adnak Biełaruskaja respublikanskaja navukova‑metadyčnaja rada daručyła zamoŭcu KUP «Mienskaja spadčyna» sumiesna z prajektnymi arhanizacyjami da pačatku pracaŭ dadatkova daśledavać niekatoryja budynki dziela ŭdakładnieńnia ŭstojlivaści kanstrukcyjaŭ.
Pavodle navukovaha kiraŭnika vykanańnia pracaŭ u histaryčnym centry Miensku Siarhiej Bahłasaŭ, jakaść budaŭnictva kanca XIX st. była nadzvyčaj nizkaj. Cehła, jakoj vykładzienyja damy, hihraskapičnaja, razburajecca kładka ścienaŭ, fundament.Paśle rekanstrukcyi budynki staroha horada nabuduć raniejšaje abličča, paviedamlaje BIEŁTA. Budzie zachavanaje abjomna‑prastoravaje rašeńnie, a taksama funkcyjanalnaje pryznačeńnie pabudovaŭ. Na pieršych pavierchach raźmieściacca abjekty sacyjalna‑pobytavaha pryznačeńnia — kramy, kaviarni, na druhich i trecich — administratyŭna‑dziełavyja abjekty.
