Aleś Badak.
Badak pajšoŭ na pavyšeńnie z pasady hałoŭnaha redaktara časopisa «Połymia» jašče ŭ krasaviku 2015.
Vydaviectva «Mastackaja litaratura» było zasnavana ŭ 1972 hodzie. Tut vychodziać dziasiatki knižak na biełaruskaj movie. Najpierš heta vydańni, jakija finansujucca Ministerstvam infarmacyi. Tut vydajucca knihi «Školnaj biblijateki», zbory tvoraŭ Uładzimira Karatkieviča i Ivana Navumienki. Hałoŭny redaktar vydaviectva — paet Viktar Šnip.
Aleś Badak — paet, aŭtar šerahu knižak dla dziaciej i padletkaŭ. U 1990-ch na jaho słovy vykonvali pieśni Alaksandr Saładucha, Anatol Jarmolenka, Alesia. Da pavyšeńnia pracavaŭ namieśnikam dyrektara vydavieckaha doma «Źviazda», jaki ŭznačalvaje Aleś Karlukievič. Adnačasova byŭ redaktaram časopisa «Połymia». Letaś Badak i Karlukievič stali łaŭreatami miždziaržaŭnaj premii «Zorki Sadružnaści» za 2013 i atrymali pa 28 tysiač dalaraŭ za vydańnie ruskamoŭnaj knižnaj sieryi. Siabra čarhincoŭskaha Sajuza piśmieńnikaŭ.
Novaha redaktara časopisa «Połymia» da siońnia nie pryznačyli.
