Spačatku mierkavałsia, što raźvitańnie adbudziecca ŭ Čyrvonym kaściole ŭ aŭtorak. «Pra heta my faktyčna ŭžo damovilisia. Mamu pryviazuć ŭ Čyrvony kaścioł ŭviečary ŭ paniadziełak. Ludzi zmohuć ź joj raźvitacca da aŭtorka, da hadziny dnia. Tam budzie adpiavańnie i tady paviazuć na mohiłki. Jakija mohiłki, my pakul nie vyznačylisia», — skazała Volha Kazulina dla radyjo «Svaboda».
Paźniej, kali dočki Kazulina daviedalisia pra niežadańnie ŭładaŭ vyzvalić ich baćku i pra rašeńnie baćki abvieścić suchuju haładoŭku «da śmierci», jany zrabili nastupnuju zajavu: «My zajaŭlajem, što nia budziem chavać mamu, pakul tata nia z nami. Dla jaho takoje pachavańnie budzie aznačać, što jaho «pachavajuć žyvoha», — skazała Volha Kazulina.
Pavodle V. Kazulinaj, jaje zajava ŭ respublikanskuju prakuraturu nibyta «pieradadzienaja ministru ŭnutranych spravaŭ Uładzimieru Navumavu i ŭ Departament vykanańnia pakarańniaŭ». Hetak Volzie Kazulinaj paviedamiŭ dziažurny prakuror Mikałaj Lavonaŭ.
