Pradprymalnik Hierman Ścierlihaŭ, jaki pakinuŭ Rasiju i pierabraŭsia razam ź siamjoj u niepryznanuju Nahorna-Karabachskuju respubliku, zajaviŭ, što vyrašyŭ viarnucca ŭ Maskvu na hetym tydni.
Na pres-kanfierencyi ŭ Nahornym Karabachu jon paviedamiŭ, što vierniecca ŭ Rasiju adzin u čaćvier.
«Ja nie chavajusia ad pravasudździa i nie chaču svaryć Karabach i Rasiju. Ja jedu, kab pazbavić armianskich siabroŭ ad pytańniaŭ, što jany chavajuć złačyncaŭ. Ja jedu, kali treba — mianie aryštujuć, kali nie — viarnusia ŭ Karabach i praciahnu tut raźvivać sialanskuju haspadarku, adkryjem lakarniu, malelny dom», — skazaŭ Ścierlihaŭ.
Pavodle jaho słoŭ, jon pajechaŭ u Karabach, pakolki «chacieŭ zaścierahčy siamju».
«Kali sa mnoj što-niebudź zdarycca, kab jany žyli siarod narmalnych ludziej, jakija vydatna staviacca adzin da adnaho», — dadaŭ jon.
Pra toje, što Ścierlihaŭ źjechaŭ z Rasii ŭ Nahorny Karabach, stała viadoma na minułym tydni. 10 lipienia biźniesmien byŭ uklučany Azierbajdžanam u śpis niepažadanych asob z-za vizitu ŭ niepryznanuju respubliku.
Jak zajaviła pamočnica Sterlihava Palina Sirata, biźniesmienu daviałosia pakinuć krainu ŭ ekstranym paradku. Pierad adjezdam pradprymalnik vystaviŭ na prodaž svaich žyvioł i aŭtapark.
