Z 13 pa 17 lipienia pad kiraŭnictvam načalnika Hienieralnaha štaba Uzbrojenych sił — pieršaha namieśnika ministra abarony Biełarusi prachodzić vynikovaja rekahnascyroŭka rajonaŭ praviadzieńnia sumiesnych apieratyŭnych vučeńniaŭ biełaruskich i rasijskich uzbrojenych sił «Ščyt Sajuza — 2015», jakija projduć u vieraśni hetaha hoda na terytoryi RF.
Jak paviedamlaje pres-słužba Ministerstva abarony Biełarusi, členy delehacyi biełaruskich Uzbrojenych sił naviedvajuć rajony praviadzieńnia budučych vučeńniaŭ, udakładniajuć paradak prybyćcia i raźmiaščeńnia biełaruskaha kantynhientu, jaho ŭdziełu ŭ vučeńniach, abjom vyrašanych zadač, paradak praktyčnych dziejańniaŭ na miascovaści pry adpracoŭcy vučebna-bajavych zadač.
Aprača taho, biełaruskija vajskoŭcy ŭzhadniajuć z rasijskimi kalehami pytańni arhanizacyi kiravańnia, uzajemadziejańnia i ŭsiebakovaha zabieśpiačeńnia biełaruskaj hrupoŭki vojskaŭ.
