MZS Rasii vystupaje suprać stvareńnia mižnarodnaha trybunała pa katastrofie małajzijskaha «Boinha» na ŭschodzie Ukrainy, jakaja adbyłasia 17 lipienia 2014 hoda.
U kamientary na sajcie viedamstva havorycca pra «dačasnaść i kontrpraduktyŭnaść pastanoŭki pytańnia ab stvareńni mižnarodnaha trybunała pa katastrofie» MH-17.
Raniej kiraŭniki dypłamatyčnych pradstaŭnictvaŭ Aŭstralii, Bielhii, Niderłandaŭ, Małajzii i Ukrainy vykazali MZS Rasii pazicyi svaich krain z nahody trybunała i pryniaćcia z adpaviednaj rezalucyi Savieta Biaśpieki AAN.
Rasija zaznačaje, što jašče nie zavieršana rasśledavańnie katastrofy, u jakim mahli b pryniać udzieł rasijskija śpiecyjalisty. Pavodle dadzienych dypłamataŭ, rasiejcaŭ nie dapuskajuć «da istotnaha ŭdziełu ŭ rasśledavańni».
Pa słovach MZS RF, pakul nie było precedentaŭ stvareńnia trybunałaŭ pa faktach hibieli hramadzianskich samalotaŭ, u pryvatnaści iranskaha łajniera ŭ 1988 hodzie i rasijskaha samalota ŭ 2001 hodzie.
