 |
Upieršyniu paśla 2002 hoda biełaruskija bijatłanisty zastalisia bieź miedaloŭ čempijanatu Jeŭropy
Vystupleńnie biełaruskich bijatłanistaŭ na čempijanacie Jeŭropy ŭ Čechii stała samym niaŭdałym paśla 2002 hoda: zbornaja viartajecca dadomu bieź miedaloŭ.
24 lutaha, u zaklučny dzień spabornictvaŭ, u estafietnych honkach mužčynski i žanočy kvartety zaniali siomyja miescy. Za mužčynskuju kamandu vystupali Siarhiej Novikaŭ, Alaksandr Syman, Siarhiej Simcoŭ i Rustam Valiulin, za žanočuju — Anastasija Hrušeckaja, Nadzieja Skardzina, Karyna Savosik i Volha Cieciaruk.
Apošnija piać hadoŭ pradstaŭniki Biełarusi zaŭsiody zavajoŭvali miedali čempijanatu Jeŭropy: u 2007 hodzie — 6 (3 załatyja, 1 siarebrany i 2 bronzavyja), u 2006‑m — 6 (4, 1, 1), u 2005‑m — 1 (1, 0, 0), u 2004‑m — 7 (2, 3, 2), u 2003‑m — 8 (1, 3, 4).
U ahulnym miedalnym zaliku ČIE‑2008 pieršaje miesca padzialili Rasija i Ukraina (pa 3, 1, 2). Dalej — Małdova, Polšča (pa 1, 0, 0), Narviehija (0, 3, 1), Čechija (0, 2, 2), Hiermanija (0, 1, 0) i Bałharyja (0, 0, 1).
Jeŭrapiejskaje pieršynstvo 2009 hoda projdzie va Ufie (Rasija).
