Tendar na madernizacyju sajta Viciebskaha abłasnoha vykanaŭčaha kamiteta raźmiaściła Hałoŭnaje ŭpraŭleńnie ideałahičnaj raboty, kultury i pa spravach moładzi. Aryjencirovačny košt rabot - 140 000 000 rubloŭ.
Termin na raspracoŭku i zapusk novaj viersii sajta dajecca nievialiki, zhodna z umovami tendaru jana pavinna być hatovaja da 5 kastryčnika 2015, h.zn. raspracoŭščyki pavinny paśpieć da pačatku hałasavańnia na vybarach prezidenta. Apłata rabot pa madernizacyi budzie ažyćcioŭlena sa srodkaŭ abłasnoha biudžetu.
Dla sajta pavinien być raspracavany novy mastacki styl, madyfikavany isnujučyja moduli i raspracavany novyja, akramia taho jon pavinien być pryviedzieny ŭ adpaviednaści sa standartam STB 2105-2012.
Z novych funkcyj i servisaŭ patrabujecca realizavać raździeł aktualnych navin na hałoŭnaj staroncy z mahčymaściu pieraklučeńnia pa temach «z animacyjnymi efiektami», taksama ŭ sajta abłvykankama, narešcie, pavinna źjavicca viersija, adaptavanaja dla prahladu z mabilnych pryład.
