Tut i nižej fota: dashart.com.ua
Ukrainskaja mastačka Darja Marčanka prezientavała rabotu «Tvar vajny» — partret Uładzimira Pucina pamieram 240ch170 sm, składzieny z 5 tysiač hilzaŭ. Fota raboty apublikavanyja na dashart.com.ua.
Hilzy ŭziatyja z roznych častak frontu na Danbasie. «Kožny elemient, ź jakoha składajecca partret, moh zabrać abo vyratavać žyćcio sałdata, tak ci inakš jość jaho losam», — pišuć pra rabotu.
Śćviardžajecca, što mazaika ŭnikalnaja i adzinaja ŭ śviecie, vykananaja ŭ takoj technicy. Jaje fiłasofski kanceptualny sens taki: «Jak by nie aśviatlali vajnu, i jak by jana nie vyhladała - jana składajecca z žyćciaŭ niavinnych ludziej».
U zaležnaści ad aśviatleńnia partret mianiaje afarboŭku, što «simvalizuje emacyjnuju šmatabličnaść vajny»: śćviardžajecca, što na partrecie možna razhladzieć fatum, strach, hanarystaść, žorstkaść i nianaviść, škadavańnie i razhublenaść, hatoŭnaść źniščyć śviet (nacisnuŭšy na «knopku») ci navat paŭstać pierad Božym sudom za zroblenaje.