Saviet Biaśpieki AAN adnahałosna ŭchvaliŭ rezalucyju, jakaja zamacoŭvaje pahadnieńnie pa jadziernaj prahramie Irana, dasiahnutaje 14 lipienia ŭ Vienie.
Rezalucyja zaklikaje całkam ažyćciavić płan dziejańniaŭ, pryniaty Iranam i «šaściorkaj» mižnarodnych pasiarednikaŭ u Vienie. Paśla pryniaćcia rezalucyi płan dziejańniaŭ nabyvaje status normy mižnarodnaha prava.
U adpaviednaści z płanam, na jadziernuju prahramu Irana buduć nakładzienyja abmiežavańni. U abmien na heta Isłamskaj respublicy abiacanaja finansavaja dapamoha i źniaćcie mižnarodnych sankcyj.
U toj ža čas u dakumiencie źmiaščajecca pałažeńnie ab tym, što ŭ vypadku, kali lubaja z šaści krain-pasiarednikaŭ zapadozryć Iran u parušeńni płana dziejańniaŭ, na paradak moža być vyniesiena pytańnie ab paŭtornych sankcyjach.
Duchoŭny lidar Irana ajatała Ali Chamieniei napiaredadni zajaviŭ, što Isłamskaja respublika nie płanuje supracoŭničać z ZŠA pa źniešniepalityčnych pytańniach, praciahnie padtrymlivać ŭrady Siryi i Iraka, palestyncaŭ, a taksama, jak vykazaŭsia Chamieniei, «pryhniečanyja narody Jiemiena i Bachrejna».
