Hienieralny dyrektar telekanała NTV Uładzimir Kuliścikaŭ pakinie svaju pasadu, śćviardžajuć krynicy rasijskich ŚMI.
Pra sychod Kuliścikava z pasady kiraŭnika telekanała adnačasova paviedamili «Kommiersant» i «Viedomosti». Abodva vydańni spasyłajucca na niekalki ananimnych krynic na bujnych telekanałach i ŭ chołdynhu «Hazprom-miedyja», u skład jakoha ŭvachodzić NTV.
Mahčymymi pryčynami adstaŭki Kuliścikava surazmoŭcy haziet nazyvajuć finansavyja prablemy telekanała. U apošnija hady kanał hublaje aŭdytoryju, a rekłamadaŭcy — cikavaść da NTV. U pryvatnaści, za pieršy kvartał hetaha hoda kanał pradaŭ na 30% mienš rekłamy, čym hodam raniej.
U pres-słužbie telekanała infarmacyju ab sychodzie Kuliścikava prakamientavać admovilisia.
0
0
0
0
0
0