Ministr unutranych spraŭ Ukrainy Arsien Avakaŭ zajaviŭ, što padpisaŭ zahad ab stvareńni ŭ składzie Nacyjanalnaj hvardyi bryhady śpiecyjalnaha pryznačeńnia.
Pavodle jaho słoŭ, bryhada budzie dysłakavanaja pad Kijevam. Kamplektavać jaje buduć najlepšymi bajcami Nacyjanalnaj hvardyi, a taksama dobraachvotnikami, jakija prajaviać žadańnie słužyć u śpiecnazie.
«Heta budzie całkam ukamplektavanaja bryhada, jakaja hatovaja da antyterarystyčnych dziejańniaŭ u lubym punkcie krainy, jak suprać ahresara, tak i suprać dyviersijnych hrup», — padkreśliŭ Avakaŭ.
Pavodle jaho słoŭ, bryhadu nazavuć u honar hierojaŭ «niabiesnaj sotni». Tak na Ukrainie nazyvajuć ludziej, jakija zahinuli zimoj 2014 hoda ŭ Kijevie ŭ sutyknieńniach milicyi z udzielnikami pratestaŭ suprać prezidenta Viktara Janukoviča.