Siońnia ŭ Breście supracoŭnikam AUS Leninskaha rajona zatrymanaja aktyvistka Abjadnanaj hramadzianskaj partyi Alina Litvinčuk, jakaja viezła ź Minska paśviedčańni členaŭ inicyjatyŭnaj hrupy Anatola Labiedźki, što pražyvajuć u Bresckim rehijonie.
Jak paviedamiŭ BiełaPAN Labiedźka, Litvinčuk znachodzicca ŭ milicyi. «Na jaje składajuć pratakoł, byccam by fihurujuć dva artykuły», — skazaŭ palityk. Zatrymańnie aktyvistki jon nazvaŭ «kropkavym»: «Jaje čakali».
Jak ličyć pretendent u prezidenty, u Breście «adbyłasia adkrytaja pravakacyja». «Kali brać jaje pravavy bok, to my faktyčna nie možam źbirać u Bresckaj vobłaści podpisy, bo ŭ ludziej niama paśviedčańniaŭ», — skazaŭ Labiedźka.
Pavodle jaho słoŭ, CVK užo prainfarmavanaja pra zdareńnie. Palityk nie vyklučyŭ mahčymaść zvarotu sa skarhaj u prakuraturu. «Liču, što hetaje zdareńnie — sproba ŭnieści virus strachu ŭ našu kamandu», — zajaviŭ Labiedźka.
Ciapier pretendent u prezidenty ŭdzielničaje ŭ pikiecie kala minskaha HUMa, padčas jakoha zaklikaje ludziej «zrabić samaje prostaje — pastavić svaje podpisy za pieramieny ŭ krainie».
