Žychar Biełastoka (Polšča) parušyŭ biełaruskuju dziaržaŭnuju miažu, ažyćciaŭlajučy palot na parapłanie.
Jak paviedamili ŭ Dziaržaŭnym pahraničnym kamitecie, dniom 22 lipienia pavodle infarmacyi miascovaha žychara hrodzienskimi pamiežnikami sumiesna z pradstaŭnikom dobraachvotnaj družyny ŭ rajonie nasielenaha punkta Niazbodzičy Śvisłackaha rajona za parušeńnie zakanadaŭstva ab dziaržaŭnaj miažy byŭ zatrymany hramadzianin Polščy. 26-hadovy žychar Biełastoka pieralacieŭ polska-biełaruskuju miažu na biezmatornym latalnym aparacie — parapłanie.
Pry sabie ŭ maładoha čałavieka byli radyjostancyja, smartfon, lichtar, srodki akazańnia pieršaj miedycynskaj dapamohi, tabletki biez pramysłovaj upakoŭki, vadzicielskaje paśviedčańnie, bankaŭskija płastykavyja karty, hrošy.
Pavodle słoŭ hramadzianina Polščy, jon straciŭ aryjenciroŭku na miascovaści ŭ pavietry.
Pačaty administracyjny praces pa fakcie parušeńnia dziaržaŭnaj miažy z vykarystańniem biezmatornaha latalnaha aparata.
