Śledčymi Viciebskaj vobłaści ŭziaty pad vartu chłopiec, jaki abvinavačvajecca ŭ sieryi padpałaŭ pryvatnych damoŭ.
Jak paviedamiła aficyjny pradstaŭnik upraŭleńnia Śledčaha kamiteta pa Viciebskaj vobłaści Ina Harbačova, u pačatku krasavika ad žycharoŭ vioski Siemiancova Biešankovickaha rajona ŭ pravaachoŭnyja orhany stali pastupać paviedamleńni ab sieryi ŭzharańniaŭ dačnych damoŭ i haspadarčych pabudoŭ, jakija viaskoŭcy nie mahli rastłumačyć.
Dla pravierki dovadaŭ, vykładzienych ludźmi ŭ svaich zvarotach, śledčymi Biešankovickaha RASK i supracoŭnikami Biešankovickaha RAUS była pačata pravierka pa ŭstanaŭleńni pryčyn uzharańniaŭ. Ekśpierty ŭstanavili, što heta byli padpały. Paśla atrymańnia zaklučeńnia pažarna-techničnaj ekśpiertyzy była raspačata sprava pa č. 2 art. 218 KK (naŭmysnaje źniščeńnie majomaści, učynienaje ahulnaniebiaśpiečnym sposabam).
Pa padazreńni va ŭčynieńni złačynstva byŭ zatrymany miascovy žychar 1994 hoda naradžeńnia.
Užo na pieršapačatkovym etapie rasśledavańnia ŭstanoŭlena, što padazrony z 7 krasavika pa 31 maja, dziejničajučy ŭ načny čas sutak, padpaliŭ try dačnyja damy z haspadarčymi pabudovami, što ŭ vioscy Siemiancova, i adzin žyły pryvatny dom. Chłopiec pastajanna znachodziŭsia pobač z pałajučymi damami, akramia taho, razam ź miascovymi žycharami i ratavalnikami aktyŭna dziejničaŭ u likvidacyi ŭzharańniaŭ.
Ciapier 21-hadovamu žycharu Biešankovickaha rajona pradjaŭlena abvinavačańnie pa č. 2 art. 218 KK. Da jaho prymieniena miery strymańnia ŭ vyhladzie źniavoleńnia pad vartu.
Rasśledavańnie pa kryminalnaj spravie praciahvajecca, u tym liku vyśviatlajucca matyvy złačynstva. Dla hetaha pravodzicca rabota z abvinavačvanym. Pryznačana sudova-psichijatryčnyja ekśpiertyza, jakaja dazvolić zrabić vysnovu ab najaŭnaści ŭ jaho śviadomaści.
