Biełaruś 28 lipienia z apošniaj vypłataj kuponnaha dachodu na $43 młn 750 tysiač pahasiła debiutny vypusk jeŭraablihacyj na $1 młrd, raźmieščanych na mižnarodnym finansavym rynku 3 žniŭnia 2010 hoda. Pra heta paviedamili ŭ biełaruskim Ministerstvie finansaŭ.
«Adnačasova z apošniaj vypłataj kuponnaha dachodu na sumu $43 młn 750 tys. Ministerstva finansaŭ nakiravała srodki płaciežnamu ahientu (Deutsche Bank AG, London) na pahašeńnie debiutnaha vypusku dziaržaŭnych ablihacyj», — adznačyli ŭ viedamstvie.
Niahledziačy na heta pahašeńnie, respublika zachavaje svaju prysutnaść na jeŭraablihacyjnym rynku — da 26 studzienia 2018 hoda ŭ abaračeńni budzie znachodzicca 7-hadovy vypusk na $800 młn.
Pavodle danych Bloomberg, na momant zakryćcia mižnarodnych finansavych rynkaŭ 27 lipienia 2015 hoda siaredniaja dachodnaść da pahašeńnia hetaj pazyki skłała 8,6% hadavych.