Tut i nižej fota: Earl The Grumpy Puppy via Facebook
U internecie nabiraje papularnaść sabaka pa mianušcy Erł, u «vyrazie tvaru» jakoha paznajucca tyja ž emocyi, što ŭ słavutaha Siardzitaha Kocika, «Grumpy Cat», raspaviadaje Daily Mail.
Niahledziačy na nieviasioły vyhlad, Erł — enierhičny sabaka, jaki lubić haniać miač pa parku, zaharać na soniejku i jeści sabačyja pačastunki, kaža haspadar Erła Derek Błumfiłd. Prosta paroda takaja (dakładniej, źmiešvańnie parodaŭ).
«Jon samy rassłableny, spakojny ščaniuk, jakoha tolki možna znajści, — kaža haspadar. — Kali jon niečaha ad ciabie choča, jon prosta budzie siadzieć pobač i hladzieć, pakul jaho nie spytaješ. U adkaz jon zavichlaje chvastom».
Tym nie mieniej, fanaty Erła ŭ internecie bačać u jaho pysie šmat niezadavolenaści. «Nu davaj, skažy «aport» jašče raz», — takija słovy pad fota Erła nabyvajuć ci to iraničnaje, ci to pahroźlivaje adcieńnie.
Hladzicie taksama: Piać samych znakamitych katoŭ internetu
