U Minharvykankamie 3 žniŭnia adbyłasia narada z udziełam kiraŭnikoŭ handlovych sietak stalicy horada. Mierapryjemstva prajšło ŭ ramkach realizacyi daručeńniaŭ, dadzienych Alaksandram Łukašenkam u čas naviedvańnia Minskaj aharodninnaj fabryki, paviedamili ŭ pres-słužbie Minharvykankama.
«Na naradzie kiraŭnictva Minharvykankama zasiarodziła ŭvahu na pytańniach niedapuščeńnia pieravyšeńnia ŭstanoŭlenych handlovych nadbavak na płodaaharodninnuju pradukcyju, a taksama pradstaŭleńni poŭnaha asartymientu śviežaj aharodniny i sadaviny ajčynnaj vytvorčaści ŭ staličnych mahazinach. Usim słužbam Minharvykankama, jakija kuryrujuć hetyja pytańni, daručana ŭ samyja karotkija terminy pravieści pravierki handlovych sietak na pradmiet vykanańnia patrabavańniaŭ», — paviedamili ŭ pres-słužbie.
Jak paviedamlałasia, kiraŭnik dziaržavy pastaviŭ pierad uradam zadaču na praciahu piaci hadoŭ vyrašyć pytańnie zabieśpiačeńnia nasielnictva ciapličnaj pradukcyjaj i razabracca z farmiravańniem roźničnych cen na płodaaharodninnuju pradukcyju.
