Pavieł Sieviaryniec padčas «Čarnobylskaha šlachu» ŭ Minsku, 2015 h.
ZŠA pavinny patrabavać ad režymu Łukašenki realnych krokaŭ: vyzvaleńnia palitviaźniaŭ, svabody ŚMI, prazrystych vybaraŭ. Pra heta ŭ intervju sajtu charter97.org zajaviŭ sustaršynia arhkamiteta stvareńnia partyi «Biełaruskaja chryścijanskaja demakratyja» Pavał Sieviaryniec, kamientujučy pryjezd u Minsk amierykanskich kanhresmienaŭ.
— Amierykanski kanhresmien Dana Rarabakier na sustrečy z Łukašenkam zajaviŭ ab nieabchodnaści adnavić paŭnavartasnuju dypłamatyčnuju prysutnaść ZŠA ŭ Biełarusi. Jak vy aceńvajecie sam dypłamatyčny kanflikt pamiž našaj krainaj i Amierykaj, jaki doŭžycca z 2008 hoda, i hetuju zajavu kanhresmiena?
— Pryčynaj hetaha kanfliktu było niežadańnie Alaksandra Łukašenki vykonvać mižnarodnyja normy, u tym liku ŭ halinie demakratyi i pravoŭ čałavieka. U hrubych vyrazach było vysielenaje ź Biełarusi kiraŭnictva ambasady ZŠA, a zatym i kolkaść rabotnikaŭ była skaročanaja da prostaha pieradvajennaha minimumu. Takoje byvaje, kali stasunki zvodziacca jak minimum da «chałodnaj vajny».
Heta było adpaviednym čynam uspryniata na Zachadzie, i z taho času amierykanskaj ambasady davodziłasia ažyćciaŭlać svaju dziejnaść u takim minimalnym farmacie. Ciapier iduć razmovy pra niejkuju «libieralizacyju», pra pierahlad stasunkaŭ paśla Mienskich damoŭlenaściej i ŭ situacyi vajny va Ukrainie. Na žal, usio heta robicca za «začynienymi dźviaryma», biez sustreč z pradstaŭnikami biełaruskaj demakratyčnaj supolnaści, i nosić charaktar kułuarnych pieramovaŭ.
Niama ničoha drennaha ŭ tym, što budzie adnoŭlenaja praca ambasady ZŠA, ale kali jak norma budzie ŭspryniataje toje, što adbyvajecca ŭ Biełarusi, i dla narmalizacyi stasunkaŭ budzie dastatkova pryjezdu niekalkich supracoŭnikaŭ — heta budzie sihnałam dla Łukašenki. Sihnałam da taho, što jon dalej moža falsifikavać vybary, trymać u turmie palitviaźniaŭ, dabivać biełaruskuju ekanomiku i zaviazvać jaje na Rasiei. A sustrečnych krokaŭ ad jaho nichto, takim čynam, nie patrabuje.
— Jak, pa-vašamu, pavinna dziejničać u hetaj situacyi amierykanskaja dypłamatyja, i na jakich umovach varta adnaŭlać pracu ambasady?
— ZŠA mahli b dziejničać bolš nastojliva i krok za krokam, pa peŭnaj «darožnaj karcie», uličvaju ciažkuju situacyju dla biełaruskaha režymu, advajoŭvać prastoru dla demakratyi ŭ Biełarusi.
Patrabavać ad režymu realnych krokaŭ: vyzvaleńnia palitviaźniaŭ, libieralizacyi srodkaŭ masavaj infarmacyi i svabodnych vybaraŭ. Na vialiki rachunak, instrumientaŭ u amierykanskaj dypłamatyi dosyć, ale, na žal, nie chapaje rašučaści.
I pavodle padziejaŭ va Ukrainie, i pa biełaruskaj situacyi my bačym, što amierykanskaj administracyi i dypłamatyi brakuje toj nastojlivaści, jakaja ŭ svoj čas była, naprykład, u Rejhana. Kali kazać ščyra, ja prosta malusia, kab u Amierycy da ŭłady pryjšoŭ druhi Ronald Rejhan — čałaviek vierujučy, rašučy, zdolny skazać «nie» dyktataram nakštałt Uładzimira Pucina ci Alaksandra Łukašenki.
Tady surjoznyja źmieny buduć mahčymymi. U inšym vypadku prosta adbudziecca kansiervacyja situacyi, i Zachad pastajanna budzie sutykacca z prablemami i ŭ Biełarusi, i ŭ Rasiei, i va Ukrainie. Adpaviedna, narody — biełaruski, ukrainski, ruski — buduć pakutavać ad tyranii ŭ Biełarusi i Rasiei.
